(07) Congratulations young man, you are going to be a father
සන්තුෂ්ගේ
තොරතුරු ගබඩාවෙන් මා අද දින ඉදිරිපත් කරන්නේ දිනසටහන් කිහිපයකි. දැඩි මානසික ආතතියකින් යුතුව ලියූ බවක් ඔහුගේ සටහන් වලින් පෙනේ.
-ප්‍රසන්න
2010.04.10
ගබ්සාවක්
සඳහා අවසානයේදී ඇය එකඟ වූවා ය. එය කිසිසේත් පහසු කටයුත්තක් වූයේ නැත. විකල්ප යෝජනාවකින් තොරව ම ඇය ගබ්සාව සඳහා විරුද්ධ වූවාය. එය ආගමික නිකායක් ගබ්සාවට විරුද්ධ වීමට කිසිසේත් වෙනස් වූයේ නැත. ඇයට අනුව ගබ්සාවෙන් විනාශවන්නේ ප්‍රාණයකි. දින කිහිපයක් වයසැති වුවද මගේ සිතුවිල්ල ඊට වෙනස් ය.
දැන්
ගැටළුව ගබ්සාවක් සඳහා ඇය රැගෙන යන්නේ කොතැනකටද යන්නයි. ඇයගේ ජීවිතය අනතුරේ නොහෙලන ආරක්ෂාකාරී තැනක් ඊට සොයාගත යුතුවේ. මේ කටයුත්ත සති අන්තයකදී සිදු විය යුතුය. අප දෙදෙනාටම එකවර නිවාඩු ගත නොහැක. එය කටකතාවලට තටු ලැබීමට හොඳ ම මගයි. ඇයගේ ආත්ම ගරුත්වය ද ආරක්ෂා කළ යුතුව තිබේ.
2010.04.14
ගබ්සා
මධ්‍යස්ථාන බොහෝ ගණනක් කිසිදු පහසුකමකින් තොර 'මස් මඩු' පමණි. එවැනි ස්ථානයක දී නතාලියා අවධානමට ලක් කිරීම කිසිසේත් කළ නොහැක. ස්ථාන කිහිපයකට මා කළ 'විමර්ශන' චාරිකා අවසන් වූයේ දැඩි හිසරදයක් ඇති කරමිනි.
පමාවන
සෑම දිනයක් ම අවධානම වැඩි කරයි. මේ සිංහල අවුරුදු දින කිහිපයේ බොහෝ වෛද්‍යවරු විදේශ ගත වෙති. අකමැත්තෙන් වුවත් තවත් දින කිහිපයක් ගත කළ යුතුව තිබේ. නතාලියා ඉක්මනින් 'යමක්' කළ යුතු බවට ඇවටිලි කරයි.
2010.04.18
මානසික
විවේකය නොමැති නිසා දිනපොත ලියැවෙන්නේද නැත. එහෙත් අද යම් ප්‍රගතියක් අත් කර ගැනීමට මාහට හැකි විණි. සුප්‍රසිද්ධ නාරි හා ප්‍රසව වෛද්‍යවරයකු හමුවීමට මා වේලාවක් වෙන් කර ගත්තේ ඔහුගෙන් උපදෙසක් බලාපොරොත්තුවෙනි. පැයක පමණ ප්‍රමාදයකින් පසුව ඔහු රෝගීන් පරීක්ෂා කිරීම ආරම්භ කළේය. අපගේ වාරය පැමිණි පසු ඔහුගේ කාමරයට ඇතුළු වූයෙමු.
“Good Morning”
“Good Morning Doctor”
නතාලියා
රත් පැහැ ගැන්වී ඇත. ඒ ඇය බියපත් බවට සළකුණකි. වෛද්‍යවරයාට මේ පිළිබඳව කෙසේ පැවසිය යුතුදැයි අප දෙදෙනාට ම සැලසුමක් තිබුනේ නැත. ඔහුගේ දෝෂාරෝපණයට ලක්වීමට පවා අපි සූදානම් ව සිටියෙමු. මම නතාලියාගේ මුත්‍ර පරීක්ෂණ වාර්තාව ඔහු අත තැබීමි.
“Congratulations young man, you are going to be a father”
නතාලියා
බිම බලා ගත්තාය. මම අසරණව වෛද්‍යවරයා දෙස බැලීමි.
“What is the problem? You look unhappy? Why you don’t want a
baby? Are you two married?”
“No doctor we are not.”
“Oh I see. That is the problem. දැන් මොකද්ද
කරන්න යන්නේ?”
“We can’t get married suddenly. So… we …..” මම අපහසුවෙන් වචන ගැලපීමි.
“I am
sorry son. මම abortions කරන්නේ
නැහැනේ. ඔය කරන තැන් ඕන තරම් තියෙන්නේ."
"Doctor ඒ
එක තැනක්වත් safe නැහැනේ."
"ඔව්
එක නම් එහෙම තමා. ඒකට මොකද කරන්නේ?"
“Can we do something doctor?”
"No I can’t මම
උදව්වක් හැටියට තැනක් කියන්නම්. Mount Lavinia වල xxx pharmacy එක.
Tablet දෙකක් දෙයි. පාවිච්චි කරන විදිහත් කියයි. මගේ නම කියන්න එපා. මම උදව්වක් කරන්නේ. Don’t put me in trouble" ඔහු බෙහෙත් වර්ග දෙකක නම ලියූ කුඩා කඩදාසි කැබැල්ලක් මා අත තැබීය.කොළයේ තිබූ වෛද්‍යවරයාගේ නිල මුද්‍රාව මුද්‍රිත කොටස ඔහු ඉරා ඉවත් කළේය.
“Thank you doctor.”
නතාලියාට
රැකියා ස්ථානය බලා යන ලෙස උපදෙස් දුන් මම ගල්කිස්ස බලා පිටත් වූයෙමි. අදාල ෆාමසිය සොයා ගැනීම අපහසු වූයේ නැත. ඔසුසලේ හිමිකරු මගේ අවශ්‍යතාවය අවංක වූවක් බවත් මා කිසියම් රාජ්‍ය ආයතනයක නියෝජිතයකු නොවන බවත් වටහා ගත් පසු රුපියල් 8000ක මුදලක් ගෙවා බෙහෙත් ලබා ගැනීමට හැකිවිය. ගබ්සා කටයුත්තක් මෙතරම් පහසු යැයි කිසිසේත් නොසිතුවෙමි.
Mifepristone සහ
Misprostol පෙති දෙකෙන් පළමුවැන්න රාත්‍රියකදී ගැනීමටත්, ඉතිරි Misprostol පෙති 4, දෙක බැගින් දෙවරකට පැය 24 සහ පැය 48කදී ලබා ගැනීමටත් ඔසුසලෙන් උපදෙස් ලැබිණි. පළමු පෙත්තෙන් කලලයට ලැබෙන රුධිර සැපයුම නතර කර දැමීමත් ඉතිරි 4න් එය ඉවත් කිරීමත් සිදුවනු ඇති බවට අන්තර්ජාල සෙවීමකින් දැන ගැනීමට ලැබිණි. දෙවැනි පෙති
කට්ටලය අධික රුධිරවහනයක් ඇතිකිරීමටත් ගර්භාෂයේ සංචලන ඇති කිරීමටත් ඉඩ ඇති බවට අනතුරු ඇඟවීමක් විණි. ඇයගේ නිවසට මෙය වසන් කිරීම ඊළඟ ගැටළුව යි.
2010.04.20
පළමු
පෙත්ත එතරම් අතුරු ආබාධයකින් තොරව ගැනීමට නතාලියා සමත්වූ බව සුබ ආරංචියකි. එහෙත් පළමු පෙත්ත කිසිදු අපහසුතාවයක් ගෙන ඒමට නියමිත වූයේ නැත. ඇය අද රාත්‍රියේ Misprostol පෙති
දෙකක් පානය කළ යුතුය. වේදනාවක් දැනේ නම්, එය දරා ගැනීමට ඇයට ඇති හැකියාව අනුව මෙය තවදුරටත් සෙසු ලෝකයාගෙන් වසන් කිරීමට අපට හැකිවෙනු ඇත.
2010.04.21
රුධිර
වහනය පිළිබඳ ප්‍රථම සළකුණු අද දක්නට ලැබුනු බව නතාලියා පැවසුවාය.බලාපොරොත්තු වූ තරමේ වේදනාවක්ද ඇතිවී නැත.
ඇය
සැනසීම සහ සියල්ල හොඳින් සිදුවනු ඇති බව ඇයට ඒත්තු ගැන්වීම මගේ ප්‍රධානත ම කාර්‍ය්ය වී ඇත.
2010.04.22
දෙවන
Misprostolපෙති කට්ටලයෙන් පසුව තරමක් දුරට රුධිර වහනය වැඩිවුවත් එය ප්‍රමාණවත්දැයි ඇයට සැක සහිත බව නතාලියා පැවසුවාය.
“I don’t know whether it is enough, but I am bleeding”
වේදනාවක්
පිළිබඳ ඇය පැමිණිලි කළේ නැත. මගේ සිතේ සැකයක් මෝදු වෙයි. හෙටදිනයේ අදාල ෆාමසියට දුරකතන ඇමතුමක් ලබා දිය යුතුය.
2010.04.23
ෆාමසියෙන්
ලැබුණු උපදෙස් අනුව නතාලියා අද තවත් Misprostol පෙති
කට්ටලයක් පානය කළාය. ෆාමසියේ හිමිකරුට අනුව නතාලියාගේ කලලය පිටවී නැත. ඔහුගේ ප්‍රකාශය සත්‍ය වීමට ඉඩ ඇත්තේ අමතර පෙති දෙක සඳහා ඔහු මුදල් අය නොකළ බැවිනි.
මගේ
කිසිදු කටයුත්තක් මා අත තබන මුල් අවස්ථාවේ ම ඉටුවන්නේ නැත. Murphy’s Laws අනුව ‘Anything that can
go wrong, will go wrong’ යන්න
මා සඳහා නම් හොඳින් ම වලංගුය. එහෙත් මා මට ඇවැසි දේ ඉටුවන තෙක් අත් නොහරින්නෙක්මි.
2010.04.24
තෙවන
පෙති කට්ටලයද නතාලියා කෙරෙහි වෙනසක් ඇති කිරීමට සමත් වූයේ නැත. මා හදිසියේ ම තීරණය කළේ වෛද්‍යවරයා හමුවීමට ඇය රැගෙන යාමටය. මගේ විස්තරයට සවන් දුන් ඔහු "We need to do
a scan. There could be other complications, like the baby might be out of the
womb. That’s a risk" කීවේය.
“Also this might happen if the baby is over 9 weeks old”
හෙදියගේ
උපදෙස් මත මම Ultra Sound Scan පරීක්ෂණයකට මුදල් ගෙවා පැමිණියෙමි.
වෛද්‍යවරයා scan පරීක්ෂණය සිදු කළේ ය.
"Foetus is still there, but it is dead now. We need to
do a womb wash to remove it. I can do it since it is dead now" ගබ්සාව කළ නොහැකි යැයි කියූ වෛද්‍යවරයා ම ද මේ? ඒ ගැන සිතීමට වෙලාව මෙය නොවේ.
“Ok doctor”
“I can give you tomorrow or day after, 4.00 pm both days. Where
do you prefer, here or Durdans?”
“Durdans is ok with us”මම
නතාලියා වෙනුවෙන් පිළිතුරු දුන්නෙමි.
" And tomorrow is fine also" මට අවශ්‍ය මේ කටයුත්ත හැකිතරම් ඉක්මනින් අවසන් කර ගැනීමට යි.
Womb wash එකක්
සිදු කිරීමට අවශ්‍ය යැයි වෛද්‍යවරයෙක් නිර්දේශ කළේ යැයි නතාලියාගේ මවට පැවසීමට අපි තීරණය කළෙමු.
2010.04.25
මානසිකව
සහ කායිකව වෙහෙසදායක දිනයක් ගත කළෙමි. ගර්භාෂය සේදීමෙන් පසුව නතාලියා ඇයගේ නිවසේ විවේක ගනියි. කුමන හේතුවක් නිසා එය සිදුකලේදැයි ඇයගේ මව විමසුවේ නැත. ඇය සියල්ල ම දැන සිටියි, නැතහොත් කිසිවක් ම නොදනී. මේ කිසිවක් ගැන වද වීමට මට දැන් නොහැක. මම අතීශයයෙන් වෙහෙසට පත්වී සිටිමි.
